कागेश्वरी मनहरा नगरपालिकाको मिति २०७२।०३।१५ मा सम्पन्न भएको प्रथम नगरपरिषद् मा पारित भएका नीतिगत निर्णयहरु तथा आय व्यय संशोधन सहित मिति २०७२।०५।२५ को विशेष नगरपरिषद् मा पेश गरियो

• नेपाल सरकार मन्त्रीपरिषद्को मिति २०७२।०४।२९ को निर्णय अनुसार æवस्ती विकास‚ शहरी योजना तथा भवन निर्माण सम्बन्धी आधारभूत मार्गदर्शन २०७२Æ पारित गरी आश्विन १ गते देखि लागु गर्ने निर्णय गरियो उक्त निर्णय कार्यान्वयन गर्दा अंशवण्डा‚ जग्गा अधिग्रहण‚ बाटो विस्तारबाट बाँकी रहेको जग्गामा स्वीकृत मापदण्ड बमोजिम घर नक्सा पास हुन नसक्ने अवस्था देखिएमा न्यूनतम मापदण्ड तोकि स्वीकृति दिने निर्णय गरियो ।
• भूकम्प पीडितले घरनक्सा पास गर्दा आवासीय प्रयोजनका लागि १००० व.फि. भित्र घर निर्माण स्वीकृत दिदा ५० प्रतिशत छुट दिने -क वर्गको परिचयkत्र वालालाई मात्र_ र १००० व.फि. नाघे पछि छुट नदिई पुरै दस्तुर लिने निर्णय गरियो ।
• नक्सा निवेदन तथा प्राविधिक शुल्क क्रमश रु.१०००।०० र १५००।०० कायम गरिएकोमा उक्त शुल्कलाई समायोजन गरी निवेदन शुल्क तथा सेवा शुल्कमा जोडी लिने निर्णय गरियो ।
• आधारभूत मार्गदर्शन २०७२ स्वीकृत हुनुभन्दा २०७२।०५।२५ भन्दा अगाडी निर्माण भएका घरहरुको नक्शा पास गर्ने सन्दर्भमा यस कागेश्वरी मनहरा नगरपालिका भित्र निर्माण भएका घरहरुको हकमा २०६४ को मापदण्डको पुष्टी हुने आधारहरुमा -विजुलीको मीटर जडानको कागज‚ सर्जमिन मुचुल्का‚ लालपुर्जाको मिति‚ अंशवण्डाको लिखत‚ हाल कायम भएका कित्ताकाट भई आएका जग्गाहरुमा_ नक्शा पास गर्ने । २०६४ को स्वीकृत मापदण्ड अनुसार नक्शा पास गरी स्वीकृत नक्शा भन्दा बढी निर्माण भएका घरहरुको हकमा मापदण्डको परिधिभित्र थप निर्माण भएको भए दस्तुर जरिवाना लिई नियमित गर्ने र सो बाहेक अन्य भवन निर्माणका सम्वन्धमा नियमित प्रक्रियाको कार्य नगर्ने निर्णय गरियो ।
• वडाकार्यालयबाट घरबाटो‚ चारकिल्ला लगायत अन्य सिफारिस दिंदा मालपोत छुट हुनु भन्दा अगाडिको आ.व. २०७१ मसान्त सम्मको वक्यौता तथा अन्य दस्तुर चुक्ता पश्चातमात्र सिफारिस दिने प्रक्रिया लागू गर्ने निर्णय गरियो ।
• मनोहरा र बागमती कोरिडोरलाई प्राथमिकता दिई सडक निर्माणमा एकिकृत वागमती सभ्यता विकास समिति‚ सडक विभाग‚ काठमाण्डौं उपत्यका प्रधिकरणसंग समन्वय गरी कार्य अगाडी बढाउने निर्णय गरियो ।
• एयरपोर्ट महानटार बाबाचोक सडक‚ तिवारीटोल मिलनचोक सडक‚ बीरेन्द्रचोक मूलपानी सडक‚ क्रिकेट मैदान बोडे सडक‚ ब्रह्मखेल एक्सचेन्ज जसपुर हुँदै आलापोट कृष्णमन्दिर जाने सडकहरुलाई कम्तिमा ११ मिटरको चौडा बनाउने कार्यलाई सडक विस्तार आयोजनासंग समन्वय गरी यसै आर्थिक वर्षबाट स्थानीय जनताको सहयोगसमेतमा रेखांकन सहित विस्तार गर्ने कार्यलाई अघि बढाउने साथै न.पा.को गागफेदीदेखि गोठाटारसम्म यातायात संचालनमा सम्बन्धित निकायमा पहल गर्ने निर्णय गरियो ।
• वैकल्पिक उर्जा कार्यक्रमको लागि माग भई आए बमोजिम सरोकारवाला निकायसंग समन्वय गरी सोलार वत्ती राख्ने कार्य अघि बढाउने निर्णय गरियो ।
• नगरपालिकाको गुरुयोजना निर्माण गर्ने तथा आवधिक योजना विकासको कार्यलाई अघि बढाउने  तथा  श्रोत नक्सा निर्माण गर्ने कार्यसमेत अघि बढाउने निर्णय गरियो ।
• विज्ञापन कर‚ वातावरण कर र फोहरमैला व्यवस्थापन सम्बन्धी कार्यको ठेक्का लगाउने कार्य तत्काल सुरु गर्ने साथै फोहरमैला व्यवस्थापनको लागि डम्पिङ्ग सईडको खोजि गर्ने निर्णय गरियो ।
• मेट्रो प्रणालीको घर नम्बर लागू गर्न आवश्यक कार्य अघि बढाउने निर्णय गरियो । 
• वडागत वितरित हुने वजेट रकमलाई  भूगोल‚ जनसंख्या र स्थानीय आवश्यकतालाई समेत आधार मानी सडक‚ खानेपानी‚ लक्षितवर्गका शिर्षकका कार्यक्रम संचालन गर्दा स्थानीय निकाय स्रोत परिचालन निर्देशिका‚ २०६९ बमोजिम योजना र कार्यक्रम अगाडी बढाउने निर्णय गरियो ।
• नेपाल सरकार‚ जिल्ला विकास समिति काठमाण्डौं र नगरपालिकासमेतको एकै स्थानमा परेका कार्यक्रमलाई कार्य गर्दा चेनेज छुट्याई छुट्टाछुट्टै काम तोकी काममा दोहोरोपना नपर्ने गरी कार्य अघि बढाउने निर्णय गरियो ।
• चालु बजेटमा सडक मर्मतमा विनियोजित २० लाख रकममा थप ३० लाख वजेट विनियोजन गरी विनियोजित रकमबाट आवधिक रुपमा सञ्चालनमा आएका सडकमा नगरपालिकाका कार्यकारी अधिकृतबाट भूगोल‚ जनसंख्या र स्थानीय आवश्यकतालाई आधार मानी मर्मत संभार लगायत अन्य विकास निर्माणका क्षेत्रमा खर्च गर्ने निर्णय गरियो ।
• वागमती सभ्यता एकिकृत विकास समितिले सुन्दरिजलदेखी गोकर्णसम्मको भागमा साविक नापी २०२१ बमोजिम नक्शा अनुसार नदिको पुरानो धारमा फर्काई पुर्वाधार निर्माणको काम गर्दा वागमती नदिको दायाँ/वायाँ अस्थाई बाटो निर्माण गर्दा व्यक्तिको जग्गा प्रयोग भए वापत क्षतिपूर्ति दिएको र २०७० सालको बालीको क्षतिपूर्ति पश्चात क्षतिपूर्ति  नदिएको हुँदा क्षतिपूर्तिको व्यवस्था गरी सो नदिको दायाँ/वायाँ २०/२० मीटर जग्गा अधिग्रहण गरी ग्रिनवेल्ट र वागमती कोरिडोर बनाउनको लागि कार्यक्रममा समावेश गरी काम सम्पन्न गरिदिनको लागि नेपाल सरकार एवं वागमती सभ्यता एकिकृत विकास समितिलाई अनुरोध गर्ने तथा नदिको बहावलाई २० मीटर कायम गर्न वागमती सभ्यताले अधिग्रहण गरेको ४३ रोपनी जग्गासमेतलाई आधार मानी अन्य क्षेत्रमासमेत जग्गा अधिग्रहण गरी सडक निर्माण गर्ने कार्य गरी लागू गर्न सम्बन्धित निकायसंग माग गर्ने निर्णय गरीयो ।
• कागेश्वरी मनहरा नगरपालिका वडा नं. १३ गोठाटार देखि मूलपानी‚ डाँछी‚ भद्रबास‚ आलापोट हुँदै गागलफेदी वडा नं. १ सम्म सहज पहुँच हुने ढंगले मुख्य नगरस्तरीय सडक निर्माण कार्यलाई प्राथमिकताकासाथ कम्तीमा ११ मीटर कायम गर्ने गरी कार्य अघि बढाउने ।
• सडक विभागले यस नगरपालिका भित्र बस्ती स्तरिय साना तथा ठुला सडकका योजनाहरु संचालन गर्ने योजनाहरुको विवरण तथा कार्यतालिका माग गरी नगरपालिकाको समन्वयमा काम अगाडी बढाउने निर्णय गरियो ।
• स्थानीय स्वायत्त शासन ऐन‚२०५५ र सो को नियमावली‚२०५६ ले व्यवस्था गरे बमोजिम यस नगरपालिकाको कामलाई अगाडी बढाउन निम्न समितिहरु गठन गर्ने निर्णय गरियो ।

क. फोहोरमैला तथा स्रोत परिचालन समितिः-

ख. पर्यटन पुर्वाधारको समितिः-

• नगरपालिकाको नयाँ भवन निर्माण गर्नको लागि यस न.पा. को वडा नं. ७ को शहिद वनबाटिकामा भवन निर्माण गर्ने निर्णय गरियो ।
• नेपाल सरकार संघीय मामिला तथा स्थानीय विकास मन्त्रालयको मिति २०७२।०४ ।२९ को च.नं. १४ को पत्र बमोजिम नेपाल सरकारको २०७२।०२।२२ को निर्णयले भूकम्प पीडित परिचय पत्रको आधारमा आ.व. २०७१/७२ र २०७२/७३ को मालपोत मिनाह गर्ने निर्णय भएकोले यस नगरपालिका पूर्ण रुपमा भूकम्पप्रभावित क्षेत्र भएको हुँदा मालपोतबाट हुने आम्दानीलाई शुन्य कायम गरी आ.व. ०७२/७३ को कुल आयमा संसोधन गरी आम्दानी शिर्षकलाई पारित गर्ने निर्णय गरियो ।
• घरजग्गा कर निर्धारण गर्दा आवासीय प्रयोजनमा आएका घर जग्गामा ८ आना सम्मको जग्गालाई आवासीय मानी जग्गाको क्षेत्रफल गणना गरी कर निर्धारण गर्ने र सो भन्दा बढीलाई गणना नगर्ने तर व्यवसायी प्रयोजनमा रहेका घर जग्गाको हकमा जे जति घर जग्गाछ सोहि बमोजिम मुल्याङ्कन गर्ने निर्णय गरियो ।
• व्यापारीक तथा व्यावसायीक फर्महरुलाई विभिन्न निकायमा सिफारिस गर्दा सिफारिस दस्तुर रु.१००० लिने निर्णय गरियो ।
• यस नगरपालिकाको पहिलो नगर परिषद्ले ऐनमा व्यवस्था भए बमोजिम गठन गरिएका विषयगत समितिले आवश्यकता अनुसार कार्यविधि तयार गरी निर्माण भएका कार्ययोजना तथा जिम्मेवारी बमोजिम काम गर्ने निर्णय गरियो ।
• घर नक्शा स्वीकृत म्याद समाप्त भई नविकरण गर्दा नक्सा स्वीकृत भएको २ वर्ष सम्ममा प्रति वर्ग फुट रु.२ दस्तुर लिने निर्णय गरियो ।
• ट्रस्ट टहरा निर्माण गर्दा प्रति वर्गफुट रु.५००० तोकिएकोमा सो लाई संशोधन गरी प्रति गोटा रु.५००० कायम गर्ने निर्णय गरियो ।
• पुरानो घर नक्शा पास ०७२ असार मसान्तसम्म नियमित दस्तुरको लागि पक्की इट्टा‚ सिमेन्ट जोडाईमा प्रति वर्गफुट रु.१० लाई संशोधन गरी रु.५ कायम गरिएको र पिल्लर सिस्टमलाई प्रति वर्गफिट रु.१२ लाई संशोधन गरी रु.७ कायम  गर्ने निर्णय गरियो ।
• चार किल्ला सिफारिसमा दस्तुर लिने प्रयोजनको लागि सातघट्टे चिसापानी सडक‚ सातघट्टे अधिकारी गाउँ सडक‚ सातघट्टे पिपलबोट सडक‚ काव्रे पुँवार गाउँ सडक लाई हटाई प्रथम नगरपरिषद्को पुस्तिकामा अत्यमा उल्लेख भए अनुसारको दस्तुर लिने निर्णय गरीयो ।
• उपभोक्ता समितिले योजना संचालन गर्दा लगत इस्टिमेट तयार गर्दा नगरपालिकाले दिने रकममा १५ प्रतिशत रकम वा जनसहभागिता थप गरी ल.ई. तयार गर्ने र मूल्यांकन गर्ने निर्णय गरियो ।
• अनुसुची १० मा उल्लेख भएको आ.व. २०७२/७३ को प्रस्तावित चालु वजेटमा वजेट शीर्षक नं. १६ मा समावेश भएको प्रस्तावित वजेट मध्ये पदपूर्ति समितिलाई आवश्यक पर्ने रु. २० लाख वजेट विनियोजन गर्ने निर्णय गरियो ।
• यस विशेष परिषद् मा पेश हुन आएका विविध नीतिगत प्रस्ताव र खर्च वजेटमा प्रक्षेपित लक्षित वर्ग कार्यक्रम र सामाजिक क्षेत्र‚ पूर्वाधार विकासका लागि विनियोजित वजेटमध्ये यस न.पा.को आन्तरिक स्रोतको आय र बाह्य स्रोतलाई समायोजन गरी ५० प्रतिशतसम्म हाल विनियोजन गरिएको र ५० प्रतिशत वजेट माघ मसान्तपछि सर्वदलीय संयन्त्रको बैठकबाट निर्णय गरी कार्यान्वयन गर्ने निर्णय गरियो ।
• राजश्व दररेट थपघट‚ संशोधन आदि गर्नु परेमा राजश्व परामर्श समितिको सिफारिस लिई न.पा. बोर्डले गर्ने निर्णय गरियो ।
• कुनै योजना कार्यक्रम संशोधनԨ‚ परिमार्जन गर्नु परेमा साथै उपभोक्ता समितिद्धारा संचालन गर्नु पर्ने योजनाहरु उपभोक्ता समितिले संचालन नगरेमा वा हुन नसकेमा उक्त कार्यक्रम तथा योजना न.पा. बोर्डले वैकल्पिक उपाय अपनाई कार्यान्वयन गर्ने निर्णय गरियो ।
• जिन्सी निरीक्षण‚ मिनाहा‚ लगत कट्टा‚ टुट्फुट्‚ लिलाम‚ मर्मत संभार गर्नु परेमा नगरपालिका बोर्डलाई अधिकार दिने निर्णय गरियो ।
• नेपाल सरकारबाट प्राप्त सशर्त र निशर्त आ.व. ०७२/७३ मा प्राप्त रकमलाई न.पा. बोर्डले कार्यक्रम बनाई कार्यान्वयन गर्ने निर्णय गरियो ।
• नगरपालिकाको तर्फबाट अन्य कुनै सरकारी गैरसरकारी एवं साझेदारी निकायसंग सम्झौता गरी कार्यक्रमहरु कार्यान्वयन गर्नु पर्ने भएमा उक्त सम्झौता गर्न नगरपालिकाका कार्यकारी अधिकृतलाई अधिकार प्रत्यायोजन गर्ने साथै सरकारी गैरसरकारी कुनै योजना कार्यक्रम प्राप्त हुने भएमा त्यस्ता योजना तथा कार्यक्रम गर्न लगतपत्र कार्यक्रम स्वीकृत भई आएमा नगरपालिका बोर्डले कार्यान्वयन गर्ने निर्णय गरियो ।
• कल्याणकारी कोषका सम्बन्धमा नगरपालिकामा कार्यरत स्थायी कर्मचारीहरुले खाईपाई आएको तलवलाई आधार मानी आ.व.को अन्त्यमा १ महिनाको तलब बराबरको रकम कल्याणकारी कोष खातामा राख्ने र साविकका गा.वि.स.मा रहेका कल्याणकारी कोषमा रहेको रकम नगरपालिकाको कल्याणकारी कोषमा सार्ने निर्णय गरियो ।
• सोलार बत्तीको लागि रु. २४ लाख रकम विनियोजन गर्ने निर्णय गरियो ।
• नगरपालिकाको आफ्नो श्रोतबाट विनियोजन गरी सम्पन्न गरेका योजनामा कन्टीजेन्सी ३% र अन्य श्रोतबाट प्राप्त योजनामा ५% कामय गर्ने निर्णय गरियो साथै उक्त कन्टीजेन्सीबाट प्रप्त रकम र नगरपालिकाबाट विनियोजित योजनामा खर्च नभएका योजनाको रकम रकमान्तर गरी उक्त रकम समेतबाट लागत सहभागितामा संचालन हुने योजनाका लागि खर्च गर्ने निर्णय गरियो ।
• नेपाल सरकारले गठन गरेकोपुनःनिर्माण प्राधिकरण मार्फत गत २०७२ साल बैशाख १२ गते गएको भूकम्प तथा त्यपछिका पराकम्पले यस नगरपालिका भित्र पु-याएको भौतिक पूर्वाधारको षतिबाट सडक‚ वस्ती तथा खानेपानी वितरण प्रणालीमा गम्भिर रुपमा असर पु-याएको हुँदा क्षति पुगेका संरचनाको पुनःनिर्माणका लागि सिफारिस सिफारिस गर्ने निर्णय गरियो ।

१. कागेश्वरी चक्रपथको मण्डनटारको पहिरो पहिरो नियन्त्रण वडा नं. ४

२. वस्तेको ढिक-कपुरदासे सडकमा शिवहरि पुडासैनीको घर अगाडीको पहिरो नियन्त्रण वडा नं. ७

३. पोखरेल गाउँ र फिरफिरे डाँडोको पहिरो नियन्त्रण वडा नं. ६

४. नवतमधाम जाने बाटोको पहिरो नियन्त्रण वडा नं. ११

५. दुरसंचार-जसपुर कृष्णचौर सडक अन्तर्गत जसपुरको पहिरो नियन्त्रण वाडा नं. ५

६. भद्रवास-डाँछी खानेपानी योजना अन्तर्गत चलनटारको पानी ट्याँङ्की नजिकको पहिरो नियन्त्रण वडा नं. ५

७. भैमाल खानेपानी योजनाको भत्किएको पानी ट्याङ्की निर्माण वडा नं. ११

८. स्वास्थ्यचौकी पछाडिको पहिरो नियन्त्रण वडा नं. ९

९. ढकाल गाउँको पहिरो नियन्त्रण वाडा नं. २

१०. मगरटोलको पहिरो नियन्त्रण वडा नं. २

११. काभ्रे जाने सडकको पहिरो नियन्त्रण वडा नं. ३

• कागेश्वरी मनहरा नगरपालिकामा आन्तरिक लेखा परीक्षण शाखा गठन गर्ने निर्णय गरीयो ।

• कागेश्वरी मनहरा नगरपालिका स्थापना पश्चात नगरपालिका बोर्ड वैठकबाट भएका देहायमा उल्लेख भएका निर्णयका मुख्य विषय वस्तु र चालु आ.व. २०७२/०७३ को मिति २०७२।०५।२४ सम्मको सम्पूर्ण आय व्यय तथा बोर्ड निर्णयहरुलाई अनुमोदन गर्ने निर्णय गरियो ।